Bu fy mhlant yn cymryd rhan mewn sesiynau Campau’r Ddraig yn Sioe Frenhinol Cymru ac roeddent wrth eu boddau. Felly pan sefydlwyd clwb hoci Campau’r Ddraig yn lleol, ni allent ddisgwyl i gymryd rhan.

Gan fod fy mab ifanc i gyda mi yn y sesiynau, roedd raid i mi ei ddiddanu felly dechreuais osod y conau gydag ef, casglu’r offer a helpu’n gyffredinol tra oedd yr hyfforddwyr yn cynnal y sesiynau. Wedyn, dechreuais helpu gyda
chludiant, gan godi plant sy’n byw yn fy ymyl a mynd â hwy i sesiynau a gemau.

Rwy’n synnu at y pleser y mae’r plant a minnau’n ei gael o’r clwb – mae’r amser yn hedfan! Rwyf hefyd yn teimlo bod gwrando ar yr hyfforddwyr yn
cyflwyno’r sesiynau, a gwylio’r rhyngweithio rhyngddynt hwy a’r plant a’r plant a’i gilydd, wedi dangos i mi sut i chwarae gyda fy mhlant fy hun yn well, a chreu gemau diddorol a rhyngweithiol gartref.

Mae ymuno yn hytrach na sefyll yn gwylio a gwneud dim wedi rhoi gwell dealltwriaeth i mi o sut mae rhedeg clwb. Os bydd fy mhlant eisiau mynychu clwb neu grwˆp arall, rwy’n gwybod beth i chwilio amdano a beth sy’n angenrheidiol i sicrhau bod fy mhlant yn ddiogel.

Does dim rhaid rhoi gormod o amser – rhyw 2 awr yr wythnos gyda’r teithio – ond mae’n hyblyg hefyd ac yn hawdd, felly gallwch wneud cymaint neu gyn lleied ag y dymunwch. Hefyd, does dim raid i chi ennill cymhwyster – gallwch wneud ychydig bach, mae popeth yn helpu i redeg y clwb. Does dim rheidrwydd a phe bawn i ddim yn helpu, mi fyddwn i’n sefyll ar y llinell fwy na thebyg – yn oer a diflas.